利物浦今季大崩溃，其实开季前已经注定，因为会方做出2个致命决定，就系以天价40万镑周薪同穆罕默德沙拿续约，但却出售另1位锋线主力沙迪奥文尼，结果自断一臂之余，沙拿获得肥约後，表现亦大不如前，变成断晒双臂。

众所周知，利物浦「埃及文明」锋线最重要系沙迪奥文尼，呢位塞内加尔国脚传射能力俱佳，令对手防不胜防，佢离队之後，令锋线实力跌咗一个级数，即使红军签入达云纽尼斯，亦未能弥补文尼离队嘅损失。

利物浦出售沙迪奥文尼後，焗住以40万镑周薪同已经30岁嘅穆罕默德沙拿续约，以免再有主力流失，问题系呢位埃及国脚冇咗文尼帮手，独力难支，今季踢8场比赛只入3球，近4场都食白果，难怪唔少利迷近期都纷纷话好怀念沙迪奥文尼。

沙迪奥文尼今季加盟拜仁慕尼黑後，上阵8场入5球，表现大勇，证明系利物浦需要佢，唔系佢需要利物浦。