李察利臣欧联起孖 完场後即爆喊
2022-09-09 来源: 八一体育 点击
周四(8日)凌晨欧联D组赛事,英超劲旅热刺主场2比0击败马赛,巴西前锋李察利臣足球生涯首次喺欧联上阵,即以2个头槌包办2个入球,完场後佢兴奋到揽住爸爸爆喊!
热刺今场继续由哈利卡尼同孙兴民担正,李察利臣就代替古路施夫斯基打正选,不过面对马赛都冇啖好食,上半场几乎冇创造任何攻势,半场闷和0比0。转捩点出现喺换边後1分钟,马赛後防赞素梅宾巴踢跌几乎单刀嘅孙兴民被逐,热刺踢多1个即加强攻势,去到尾段李察利臣喺76分钟同81分钟,两度接应队友传中顶入,顺利赢2比0。
李察利臣今夏以6,000万镑转会费加盟,今场先至拎到转会後第1个入波,佢完场後冲去场边嘅爸爸同朋友中间激动痛哭,热刺领队干地赛後表示:「我戥李察利臣开心,佢值得有呢一个夜晚,记得当初签佢嗰阵,佢话非常期待欧联嘅音乐奏起,今场我同佢讲机会嚟啦;李察利臣可以踢晒前锋3个位置,我哋对收购佢系从未怀疑。」
相关阅读
- 09-09连胜断缆打窒道气 阿仙奴捱「细」界
- 09-09加拉塔沙雷大搞!伊卡迪、桑马达将加盟
- 09-09补时出现3入波 基沙文101分钟绝杀!
- 09-09李察利臣欧联起孖 完场後即爆喊
- 09-09国米门将10次扑救都冇用 吞拜仁两蛋
- 09-09车路士拟掟1600万镑买断朴达 最快周六领军
- 09-09【东体争议】利物浦最错卖文尼 续约沙拿
- 09-09拉舒福特翻生 曼联开出5年新约绑实佢
更多>>精选阅读