拜仁慕尼黑正物色新中锋，已经选定热刺射手哈利卡尼，《天空体育》报道，拜仁近日与哈利卡尼父亲取得联络，传达明年夏天邀请该英格兰前锋来投意愿。

罗拔利云度夫斯基今夏离队，拜仁从利物浦签入沙迪奥文尼补充空缺，不过文尼踢9号位似乎唔太适合，因此拜仁想搵一位正宗中锋，哈利卡尼系最佳人选。

拜仁已锁定签入哈利卡尼，目标希望喺明年夏天达成，最新佢哋派人同哈利卡尼父亲接触，传达意愿，现时哈利卡尼同热刺合约於2024年到期，如果拜仁明夏提出斟介，转会费相对较低，但假如热刺呢段时间同哈利卡尼续约，拜仁想签佢难度就会大增。

对於哈利卡尼嚟讲，拜仁嘅邀请系有致命吸引力，事关哈利卡尼踢咗咁多年波都未捧过盃，如果加盟拜仁，最起码都有德甲冠军打底，可以一嚐捧盃心愿。