利物浦今夏转会窗关闭前一刻，向祖云达斯借用中场艾法美路，但呢位26岁巴西国脚状态严重不足，领队高普决定将佢贬落U23操练同比赛，等操起状态後，再返回大军名单。

利物浦喺第1轮欧联分组赛以1比4不敌拿玻里，艾法美路首次披甲，後备上阵踢咗13分钟，高普就发现唔对路，因为呢位新兵完全冇态，身体状况亦欠佳，所以之後冇份上阵对阿积士。

事实上，艾法美路加盟红军前，对上1次踢足全场，已经系4月9日为祖记对卡利亚里，加上冇参与季前备战，状态差并唔出奇。

因此，高普安排艾法美路去U23操练同比赛，畀佢有时间重拾状态，艾法美路已经喺U23赛事上阵，希望可以渐入佳境啦。