现年37岁嘅葡萄牙巨星C朗虽然今季表现大不如前，但未言退，更加话要为葡萄牙踢埋2024年欧国盃，预料佢40岁前都唔会挂靴。

C朗为葡萄牙国家队上阵189场射入117球，属於球队史上首席射手，佢近日获颁葡萄牙历史射手王奖项时，讲到自己嘅国际赛展望：「我希望为国家队踢多几年，我同年轻球员一样充满动力同雄心，我想参加今届世界盃，亦想踢下届欧国盃。」C朗曾经表示自己有能力踢到40岁，似乎真系讲得出，要做得到。