前中国国家队教练简拿华路，周三(21日)晚正式落实回归意大利执教，同意乙球会宾尼云图签约2年。「大简」嘅加盟亦令近年星光熠熠嘅意乙更有睇头，甚至云集咗5位世界冠军球星！

简拿华路自2011年挂靴後，执教生涯一直喺亚洲发展，包括执教过2支中超球队天津权健及广州恒大，亦曾兼任中国国家队主帅，今次执教宾尼云图系首次返意大利教波。

简拿华路系2006年意大利赢世界盃冠军嘅队长，佢今次喺意乙会遇上唔少旧战友，当年射手恩沙基目前系里贾纳教练、左闸格罗素就系费辛隆尼主帅，传奇门神保方更加仲未退休，仍然为帕尔马把关，加上今夏加盟科木嘅西班牙2010年世盃冠军功臣法比加斯，令意乙嘅世界冠军人数增加到5人。