葡萄牙上场大炒捷克，C朗勇战撞爆鼻成面血，休息过後周一(26日)复操，呢位巨星伤势仲未埋口，鼻梁伤痕清晰可见，右眼袋仲有积瘀，但都无碍佢操练。

C朗对待国家队赛事一向认真，就算系热身赛都搏晒命，何况下场系欧国联晋级关键战，葡萄牙将会主场迎战西班牙，C朗喺面部受伤情况下，照样出席备战。

上场对捷克，C朗虽然并无入波，但送出1个助攻，撞爆鼻後坚持踢足全场，由於佢喺曼联只系後备，因此今仗并无後顾之忧，国家队比赛将更加落力。