艾宁夏兰特今季加盟曼城，表现光芒四射，原来佢老窦艾法尔夏兰特一早为佢做好生涯规划，夏兰特喺曼城只会踢两年半，然後就会去不同联赛检验自己能力。

艾法尔夏兰特近日喺纪录片《The Big Decision》表示，佢手头上有份转会名单，佢话：「喺决定加盟曼城前，我哋有一份转会名单，曼城是首选，排第2系拜仁慕尼黑，第3系皇家马德里，第4系巴黎圣日耳门，第5系利物浦、车路士同巴塞隆拿。」

夏兰特喺萨尔斯堡同多蒙特闯出名堂，今季喺曼城展现世界级实力，但佢仲谂住巡回不同联赛，佢老窦话：「夏兰特喺多蒙特踢咗两年半，佢同曼城签约5年，但可能只会踢两年半，下一站可能会去西甲、意甲、法甲，都有可能。」