巴塞隆拿今个夏天大事扩军，不过球队财政始终唔系咁好，总监阿利文尼透露将会推行「免费兵政策」，向高质素嘅自由身球员埋手，至少可以悭番笔转会费。据西班牙媒体透露，巴塞嘅目标名单人数众多，当中包括拉舒福特、尼高路简迪等球星。

明年夏天有唔少大牌球星回复自由身，巴塞就准备随时抢人，曼城嘅根度简、李斯特城嘅泰利文斯、利物浦嘅拿比基达、车路士中场佐真奴同尼高路简迪都喺名单之上。前锋方面，曼联前锋拉舒福特都喺观察名单，当然唔少得免费迎接美斯回巢嘅方案，不过呢2单交易难度就颇高。

最大机会实现嘅免费转会，相信系毕尔包中坚恩尼高马天尼斯，呢位31岁老将一直搁置同球会嘅续约谈判，有传闻佢已经同巴塞隆拿私下达成协议。如果巴塞签恩尼高马天尼斯最後告吹，国际米兰嘅史坚尼亚就系替补目标。