今年金球奖将於香港时间10月18日凌晨举行，预料皇马前锋宾施马将会大热当选，盛传已经阔别呢项颁奖礼5年嘅曼联球星C朗，亦将会出席，皆因佢同宾施马非常好友，希望为佢撑场。

C朗曾经5次获得金球奖，但自从2017年攞奖之後，就未再出席呢项盛事，有传佢事先知道自己冇份当选，所以唔出席，曾经被批评小器。

呢位37岁葡萄牙国脚今年虽然有入选30人候选名单，但估计只系「陪跑」，不过外媒指C朗将会出席，因为佢希望亲自见证前皇马队友兼老友宾施马首次获奖。

至於曾经7次获得金球奖兼上年得主美斯今年连30人候选名单都冇份。