巴塞会长拉波塔表示，下周初到巴黎出席金球奖颁奖礼期间，将会约美斯见面，虽然按规定唔可以谈论转会相关事项，但两人仲有好多嘢可以倾。

拉波塔表示：「美斯系球会史上最佳球员，我哋要做啲嘢予以表彰，巴塞家族将永远将佢留在记忆中，呢个星期日，系佢为巴塞首次正选上阵18周年，我哋正打算私底下做啲嘢。」

拉波塔下周初将会到访巴黎，出席金球奖颁奖礼，虽然美斯未获提名，但拉波塔称肯定可以喺巴黎见面：「佢系巴黎圣日耳门球员，我哋必须尊重，有好多巴塞球迷仍然穿着美斯嘅波衫，对於美斯嘅比赛生涯亦耳熟能详。」

虽然拉波塔事先声明唔会倾转会，但美斯同PSG合约将於明夏到期，暂时未知美斯下一步动向，双方喺呢个敏感时间见面，难免惹来诸多猜测。