法国足球杂志「金球奖」周二(18日)凌晨揭晓，不过系人都知今年得奖者系边个，佢就系法国前锋宾施马。

皇马上季夺得西甲及欧联双料冠军，今年金球奖得奖者全部喺晒西甲，西班牙传媒当然收晒风，并已事先爆料得奖名单，包括金球奖得主系宾施马，最佳门将嘅耶辛奖得主系泰拔高图尔斯，最佳前锋梅拿奖得主系罗拔利云度夫斯基，至於最佳新秀嘅高柏奖得主则系巴塞嘅加维，女子金球奖得主系巴塞嘅佩迪拉丝。

适逢皇马刚在国家打吡3比1击败巴塞，宾施马攻入首球，加上欧联提早出线，所有气运加身，宾施马同泰拔高图尔斯得奖走唔甩，队友卢连喺IG整咗张P图提前恭喜宾施马，话佢即将获得金球奖殊荣。