今年金球奖颁奖典礼将於香港时间星期二(18日)凌晨喺法国巴黎举行，西班牙传媒指皇马射手宾施马获金球奖已成定局，队友门将泰拔高图尔斯亦会获得代表最佳门将嘅「耶辛奖」，意味皇马将会成为今次颁奖礼大赢家。

宾施马上季为皇马各项赛事上阵46场入44球，协助球队夺得西甲及欧联冠军，早已经被视为金球奖顶头大热。据悉已阔别呢项颁奖礼5年嘅曼联球星C朗亦会出席，皆因佢同宾施马非常老友，希望为佢撑场。

至於泰拔高图尔斯上季亦有出色表现，代表作一定系欧联决赛，作出破纪录嘅9次扑救，成为皇马以1比0击败利物浦嘅捧盃功臣，难有人可以同佢争「耶辛奖」。

另外，仲会颁发女子金球奖、最佳年轻球员奖。