艾历臣倒戈热刺成疑 干地唔认争输畀曼联
2022-10-19 来源: 八一体育 点击
曼联会喺周四(20日)凌晨英超主场对热刺,焦点人物系中场基斯甸艾历臣,呢位丹麦国脚今夏「背叛」热刺加盟曼联,即时成为热刺球迷公敌,不过今场倒戈战就因病未必能够上阵。热刺领队干地赛前就唔肯证实夏天有冇向艾历臣提出邀请,唔认争输畀曼联。
艾历臣曾经效力热刺7年,期间更曾承诺「唔会效力热刺以外英超球队」,今夏落实转投曼联後,有球迷拍片焚烧艾历臣嘅热刺波衫,以示对佢违背承诺嘅不满。但热刺球迷今场未必见到艾历臣,事关佢早前因病缺阵,曼联领队坦哈格赛前表示:「我唔肯定佢赶唔赶得切复出,我当然想佢候命,佢对曼联好重要。」
干地同艾历臣曾经喺国际米兰共事,赛前佢被问到夏天系咪争艾历臣输畀曼联,佢就回应:「我好享受同艾历臣合作,亦希望有机会再训练佢,热刺有冇出手(斟介)并唔重要,佢为自己作出一个重大选择(加盟曼联),我会祝福佢有好表现,除咗对热刺嘅赛事。」
相关阅读
- 10-19运动视界啪EP.63-三大国际赛被取消!到底是人家
- 10-19【法甲】人尽其才才能有源源不绝的入球和助攻 -
- 10-19PSG出手抢人 阿仙奴中坚闪电重返法甲?
- 10-19艾历臣倒戈热刺成疑 干地唔认争输畀曼联
- 10-19巴塞又想炒教练 搵紧人顶替沙维
- 10-19森林拉杂成军 白礼顿上盘值博
- 10-19高普亲证:祖达重伤无缘今届世界盃
- 10-19迈亚密出局 希古恩含泪挂靴
更多>>精选阅读