曼联小将加拿祖近期大爆发，但未能入选阿根廷世盃大军，球迷都戥佢可惜，不过依家机会嚟喇！阿根廷踢完阿联酋热身赛後，主帅史卡朗尼不满个别球员状态未达标，不排除稍後更换名单，加拿祖呢次有机呀！

虽然阿根廷喺热身赛大炒阿联酋5蛋，迪马利亚起孖，美斯亦有士哥，但史卡朗尼似乎发现球队有啲唔妥，佢话：「26人名单可能有变，大家拭目以待，部份球员状态唔好，我哋会继续观察，睇睇有冇改善。」

史卡朗尼并无指名道姓讲系边个状态差，但传媒估其中一个可能系保罗戴巴拿，如果真系换佢，近期状态火热嘅曼联超新星加拿祖，的确有机会喺最後一刻补上喎！