听晚法甲巴黎圣日耳门(PSG)主场对雷恩，有主队球迷组织针对球王美斯发起抗议，话佢空降PSG以来并实质帮助，仲话佢「收入与表现不相称」，依家正值美斯续约关键时期，美斯受到如此对待，令佢留队机会更加渺茫。

美斯加盟PSG後虽然协助球队重夺法甲锦标，今季亦夺标在望，但连续两季欧联16强出局，不但美斯本人好失望，PSG球迷更失望，有球迷组织将责任归咎於美斯身上，话佢名气大人工高但帮唔到手，上季已有球迷向美斯柴台，令美斯好唔高兴，今季欧联出局後，球迷对美斯更加失去耐性，发起抗议行动。

发起抗议嘅球迷组织负责人表示：「呢场波我哋会向美斯喝倒彩，佢人工好高，但同场上表现不相称。」据报美斯去年年薪为4100万美元。

近日PSG同美斯续约陷入僵局，特别在欧联出局後，双方续约意欲更低，PSG要求美斯降薪一半，美斯断然拒绝，其父亲兼经理人到沙特阿拉伯及巴塞隆拿，为儿子转会张罗，美职负责人更扬言，如果美斯降临，美职一系列规定都会为迁就球王而改变。