尴尬!高普乌龙庆祝沙拿宴客 或换人射12码
2023-04-12 来源: 八一体育 点击
利物浦主场2比2逼和阿仙奴一仗,「红军」全场制造唔少入球机会,下半场更曾获得12码,当穆罕默德沙拿操刀嗰阵,领队高普紧张到拧转面唔敢睇,尴尬嘅系当沙拿射门连龙门都唔中,背向球场嘅高普竟「收错风」,做出握拳庆祝动作,到转身望番球场先知自己摆乌龙。
高普赛後回忆呢段瘀事:「我系事後先睇番呢个12码,当时我只系睇住球迷嘅反应,好明显有部份球迷以为入咗,所以我就庆祝,不过之後见到沙拿并冇庆祝,我就知道佢射唔入,件事就系咁。」相比乌龙庆祝,沙拿近5次主射12码3度宴客,最近2球更加连龙门都射唔中,刽子手问题更加值得高普关注。
被问到会唔会更换刽子手,高普亦唔排除换人可能性:「我会同沙拿倾呢个问题,但唔系喺呢度讲。」有传如果利物浦决定更换刽子手,巴西中场法宾奴会系头号人选,之前穆罕默德沙拿踢非国盃期间,法宾奴就系负责12码嘅球员。
相关阅读
- 04-12比堤:红魔食「拖肥」贺复活
- 04-12拉舒福特伤势「唔乐观」 坦哈格赖赛程
- 04-12尴尬!高普乌龙庆祝沙拿宴客 或换人射12码
- 04-12比堤:红军主场稳阵可拆「厂」
- 04-12水晶宫大炒列斯联 鹤臣教2场劲过韦拉全年
- 04-12耶稣仔复出如虎添翼 兵工厂轰炸晏菲路
- 04-12车仔又想玩翻兜 计划请安察洛堤回巢
- 04-12拿朴迪或今夏离队 曼城急斟国米中坚
更多>>精选阅读