曼联赢森林前4稳阵 安东尼获封「新洛宾」
2023-04-19 来源: 八一体育 点击
曼联争入英超前4目标迈进一大步!周一(17日)凌晨赛事,伤兵满营嘅曼联凭安东尼马菲奥斯1射1传,作客2比0轻取诺定咸森林,依家领先第5位嘅热刺6分兼踢少1场,前4席位相当稳阵。曼联领队坦哈格赛後大赞「安一招」已经够杀,大有荷兰名将洛宾嘅影子。
喺拉舒福特、华拉尼、利辛度马天尼斯等主力接连受伤下,曼联今场变阵出击,包括将右闸达洛治改踢左闸。「红魔鬼」今场攻势不断,32分钟安东尼马迪尔射门被扑出,安东尼及时赶到「执鸡」射入;曼联之後多次埋门都逃唔过基罗拿华斯五指关,直到76分钟安东尼推入中路,交出靓直线畀入楔达洛治射入,助曼联赢2比0完场。
由於纽卡素、热刺今轮联赛都输波,曼联赢波後得以喺呢场前4争夺战中弹出,依家喺踢少1场下,仍然领先第4位嘅纽卡素3分、抛离第5位嘅热刺6分,优势已经确立。曼联下场联赛将会作客近况低迷嘅热刺,如果赢埋就几乎可以开定香槟。
巴西翼锋安东尼打破自己14场联赛入球荒,佢经常被球迷批评「死左脚」,每次拎波只系得扣入中路一招,不过坦哈格就力撑爱将咁踢冇问题:「安东尼只右脚都OK,佢都可以落底线,不过入中路威胁更加大,就好似洛宾咁,好多球迷都话佢只得一招,但呢一招就劲到冇人挡得住!当然识多几招会更加难防,但安东尼同样可以加强自己擅长嘅嘢,我支持佢继续咁踢
上一篇:曼联赢森林前4稳阵 安东尼获封「新 | 下一篇:VAR变废物 无视阿诺特犯手球 |
相关阅读
- 04-19VAR变废物 无视阿诺特犯手球
- 04-19马古尼手球走甩12码 谷巴:韦比要道歉!
- 04-19重返娘家?阿仙奴睇中伊斯美宾拿沙
- 04-19阿仙奴将迎地狱赛程 捧盃机会得34.4%
- 04-194大神锋齐发威 利物浦狂胜列斯联
- 04-19热刺截车仔胡 力斟安历基
- 04-19比堤:列斯红军皆「大」欢喜
- 04-19曼联赢森林前4稳阵 安东尼获封「新洛宾」
更多>>精选阅读