英格兰点兵仲有马古尼 修夫基暗示最後机会
2023-05-25 来源: 八一体育 点击
英格兰周三(24日)公布最新一期大军名单,准备6月份对马尔他同北马其顿2场欧国盃外围赛,今次点兵冇乜太大意外,史达宁落选成为焦点之一,不过球迷更加不满哈利马古尼同加云菲腊斯嘅入选,修夫基亦暗示今次上榜,可能系两人嘅「最後机会」,获重召嘅白礼顿中坚李维士邓克有望把握机会上位。
曼联嘅哈利马古尼同曼城嘅加云菲腊斯,今季大部份时间坐冷板,合共只系踢过863分钟联赛,但就踢走汤姆利、积及蓝斯、基比斯韦特等新星,修夫基解释:「佢哋都系英格兰重要球员,喺欧洲赛同国际赛有丰富经验,不过依家嘅情况(上阵机会少)唔可能永远维持,我哋有马克古希、李维士邓克同泰朗明斯等等踢得好,但冇太多大赛经验嘅球员上紧位,目的系要增加更多竞争。」
水晶宫中场伊比尔治伊斯系大军唯一未有喼帽球员,哥林威尔逊、李维士邓克等亦获重召,至於车路士前锋史达宁落选,修夫基就表明未来仍有佢嘅席位:「我几个星期前同佢倾过,佢觉得自己状态唔好,体能力有问题而且亦有伤患,但我会支持佢反弹,再次证明自己能力。」
上一篇:飞燕诺面临拆骨 将帅一齐跳槽去热刺 | 下一篇:曼城冠军派对 夏兰特做主角被「围攻 |
相关阅读
- 05-25车路士终於有「冠军」 薪酬总支出第一
- 05-25最後加冕 国米38岁门神担正踢决赛
- 05-25英格兰点兵仲有马古尼 修夫基暗示最後机会
- 05-25卡维特利云又伤 多数缺席护级生死战
- 05-25【有片】C朗轰入世界波 创5大纪录
- 05-25白礼顿超级金球逼和曼城 锁定欧霸盃资格
- 05-25哥帅表明留队:我唔怕面对115项指控
- 05-25拉舒福特复操 有望斗车路士
更多>>精选阅读