英超煞科战焦点落喺护级战上，爱华顿、李斯特城同列斯联只有1队可以逃出生天， 目前排尾4嘅爱华顿虽然有2分优势，不过王牌前锋卡维特利云上仗勇战受伤，好可能会缺席煞科日嘅生死战。

爱华顿最後一战主场对般尼茅夫，只有赢波先可以确保护级成功，和或者输就要视为李斯特城同列斯联嘅成绩，但卡维特利云上仗拉伤大腿筋，虽然领队戴治仍希望佢可以赶及上阵，但英国《每日邮报》消息指，卡维特利云唔单止多数缺阵，而且仲可能要休养5个星期。

26岁嘅卡维特利云一直受伤患困扰，今季只系踢咗17场联赛，系爱华顿成绩低落嘅重要原因。爱华顿右闸尼敦柏达臣上场同样受伤提早离场，据报佢亦好可能会缺阵煞科日嘅赛事。