今季成绩差劲嘅车路士，周六(21日)大战利物浦前传出喜讯，两位主力列斯占士同芝维尔伤愈复操，加上1亿欧元新兵梅迪克首度参加练习，车路士嘅战斗力即时大大提升，有望喺下半季全速冲刺！

伤兵名单水蛇春咁长嘅车路士，1月继续疯狂买人增强实力，乌克兰翼锋梅迪克周三(18日)操练首度登场，如无意外可以喺对利物浦一仗处子上阵，而令球迷更惊喜嘅系，两大翼衞列斯占士同芝维尔都复操，左翼衞芝维尔自上年10月受伤後一直休养，而右翼衞列斯占士持续受伤患困扰，近3个月只系踢咗1场赛事，佢哋复出令车路士实力大增。

车路士目前仍然有史达宁、尼高路简迪、萨卡利亚、韦斯利科芬拿、基斯甸普列锡等伤兵，祖奥菲历斯因停赛要到2月先可复出。