C朗为利雅得明星队披甲，迎战巴黎圣日耳门(PSG)，虽然只系热身赛，但呢位37岁前锋仍然全力以赴，更不惜冒住被打伤靓仔面孔，都要入波，够晒专业。

C朗踢到34分钟头槌攻门，被PSG门将基罗拿华斯打中面部，导致出现瘀伤，幸好并冇大碍继续比赛，佢被打一拳，并冇白捱，因为球证吹罚基罗拿华斯犯规，判12码，C朗主射入网，取得亚洲生涯第1球。

PSG射手基利安麦巴比都好尊重偶像C朗，出手抚摸对方面部，了解佢嘅伤势，场面非常温馨。

至於C朗第2个入波，佢力压前皇马队友沙治奥拉莫斯，头槌劲顶中柱弹出，再把握对手解围失误射入，证明自己弹跳力及反应仍然一流。