德甲劲旅多蒙特周六(21日)宣布，球会已同18岁新星前锋尤素法莫高高达成续约协议，新合约到2026年，粉碎曼联、皇家马德里等豪门收购嘅希望。

尤素法莫高高同多蒙特合约原来季尾完结，续约谈判一直僵持，据报今次多蒙特开出10万镑周薪，终於打动呢位德国前锋续约。尤素法莫高高表示：「我喺多蒙特踢得非常舒适，我喺球队青年军踏出职业生涯第1步，亦已经准备同多蒙特一齐走下一步。」

多蒙特总监基尔亦兴奋表示：「尤素法莫高高系多蒙特培养出嚟嘅杰出球员，佢仲有好多潜力未发挥，佢喺多蒙特仲会有好长嘅故事。」