爱华顿惨遭热刺「截胡」，错失翼锋哥尔尼维特之後，近日将目标转向意甲，睇中博洛尼亚嘅奥地利国脚前锋阿拿奥杜域，希望喺冬窗前增兵打护级战。

上次班兵失败後，爱华顿今次准备向博洛尼亚报价，对方立即有回应，要求1500万欧元转会费，仲讲明无意降价出售，爱华顿如果唔想再被「截胡」，可能要答应博洛尼亚叫价。

33岁嘅阿拿奥杜域系老牌奥地利国脚，上阵106场入34球，曾效力史笃城同韦斯咸，近两季喺博洛尼亚上阵50场入23球，季初传过曼联想签佢，如果爱华顿得到呢位射手，对护级肯定有帮助。