英超「1哥」阿仙奴为冲击冠军，冬季转会窗密密签人，日前用2,100万镑收购波兰中坚积及基奥柯，令防守力量进一步提升，不过积及基奥柯仲未落场，佢个未婚妻就先成焦点，原来呢位新登场靓太系电臀舞冠军，相当「扭」得！

22岁嘅积及基奥柯喺意甲被视为最有前途中坚之一，佢同阿仙奴签约後，未婚妻Claudia Kowalczyk亦喺社交网祝贺：「以你为荣、你值得拥有」。拥有4万IG粉丝嘅Claudia人气高企，佢IG内有大量「扭屁股」片段，原来佢系电臀舞冠军！

据报Claudia喺2017年赢得德国电臀舞比赛冠军，2018年又喺欧洲电臀舞冠军盃杀入4强，足证佢「扭」力十足，而且亦有捧盃经验，相信可以帮到积及基奥柯融入阿仙奴。