祖记搞好防务 开细冇「兰」度
2023-02-09 来源: 八一体育 点击
意甲沙兰力坦拿主场迎战祖云达斯。祖云达斯因造假帐被扣分後,联赛已经争标无望,相信嚟紧重心都会放喺盃赛上,斗心成疑,不过佢哋连续3场联赛不胜兼失10球,今场点都会搞番好个後防,睇番祖记今季联赛作客踢法保守,近9仗8次开2球或以下,今场一於追2.5球入球细。(Now 638周三凌晨3时45分直播)
祖云达斯因过去3年造假帐同夸大球会收入,被意大利足总扣15分,依家以23分排13位,只比今场对手沙兰力坦拿多2分,同榜首拿玻里嘅56分有大段距离,肯定争标无望,要争前4都有啲忟水,如果要踢下届欧洲赛,赢盃赛系最好途径。
「老妇人」刚喺意盃8强以1比0淘汰拉素,4强斗国际米兰,另一边系克雷莫纳对费伦天拿,只要淘汰国米,相信捧盃唔难。另外,月中欧霸附加赛斗南特争16强资格,都系球队目标,只要赢到欧霸,下届又有欧联玩,所以联赛对佢哋嚟讲,只系练兵场地。
今季联赛作客少交收
不过,由於之前3场不胜,合共失咗10球,以祖云达斯兵力嚟讲又系肉酸咗啲,加上今场有射手米利克受伤缺阵,故此,今场对住攻力唔算好嘅沙兰力坦拿,应该会加强防守,减少失波之後再求一击即中赢波。沙兰力坦拿实力所限,近8场联赛只得1胜,对住祖云达斯亦只会死守博1分,加上祖记近9场联赛作客8次开细嘅表现,相信今场入球唔会多,入球细玩得过。
直播表
周三1:00am 德国盃 辛特侯逊Vs弗赖堡
周三3:00am 世冠盃 法林明高Vs希拉尔
周三3:45am 意甲 沙兰力坦拿Vs祖云达斯
周三3:45am 德国盃 法兰克福Vs达斯泰特
上一篇:祖记搞好防务 开细冇「兰」度 | 下一篇:C朗邦路斯捐签名波衫拍卖 帮助地震灾 |
相关阅读
- 02-09C朗邦路斯捐签名波衫拍卖 帮助地震灾民
- 02-09曼城若被褫夺冠军 曼联、利物浦执死鸡?
- 02-0955岁三浦知良再战欧洲 加盟葡甲球队
- 02-09车仔同意放人 奥巴美扬有望投FC洛杉矶
- 02-09C朗意甲头槌最高纪录被破 新纪录系佢
- 02-09祖记搞好防务 开细冇「兰」度
- 02-09华荷域2射1传 祖云达斯大胜翻身
- 02-09神奇!蒙沙成世盃後唯一意甲不败之师
更多>>精选阅读