英足盃8强大战开打，喺英超同欧联大杀三方嘅曼城，将会分身迎战英冠球队般尼。曼城兵源丰富，足够排两套主力阵容，领队哥迪奥拿将会按照惯例喺盃赛做轮换，今仗面对由昔日队长高柏尼领军嘅般尼，未必可以予取予携，随时小胜晋级就算，3.5球嘅入球细值得捧场。（myTV Super周日凌晨1时45分直播）

曼城近期各项赛事5连胜，周中欧联更以7比0狂数RB莱比锡，不过哥迪奥拿知道要争3冠王，一定要为球员留力，上仗踢63分钟就换走射手艾宁夏兰特。擅长控球打法嘅曼城，近期比赛留放都做得好成熟，对上7场赛事有5场总入球开3球或以下，今场会继续以战养战。

寓赛於操唔求大胜

英足盃系曼城相对冇咁重视嘅盃赛，上一圈对布里斯托城，艾宁夏兰特都冇份落场，新人高尔彭马、佩朗尼、沙治奥高美斯都有落场机会，预料哥迪奥拿今场会继续轮换，畀多啲球员落场操起状态多於追求不必要嘅大胜。

般尼目前系英冠「1哥」，下季好大机会升上英超，主帅高柏尼更加系前曼城队长，今仗领军倒戈母会甚为瞩目，高柏尼嘅踢法师承哥迪奥拿，不过级数有好大分别，预料般尼将会打守势波，希望透过高柏尼对曼城嘅认识，尽力争取偷鸡，有望制造拉锯战，3.5球细盘博得过。