纽卡素今季英超成功拎到欧联资格，右闸捷比亚亦入选今季最佳阵容，呢位英格兰国脚喺煞科战前，一连2日去纽卡斯尔一间卡拉OK酒吧狂欢庆祝，不过有片段流出，影到捷比亚背住老婆，同一名金发女子表现亲密，女子一度爬上捷比亚身上，惹嚟偷食疑云。

据英国《太阳报》得到嘅影片，捷比亚同一名金发女子挨埋一齐不断倾偈，之後捷比亚更托住金发女个屁股，畀佢爬上自己背脊，两人都笑得非常开心，有现场客人表示：「佢哋玩得好亲密，一直打打闹闹，个女仔直情爬上捷比亚背脊，佢哋玩到旁若无人。」

捷比亚连续2晚都玩到凌晨2点先离开，最重要系佢嘅室内设计师老婆Charlotte，依家正身处西班牙工作，相信呢段影片流出之後，捷比亚都要谂定点样解释。