尼马今夏好大机会离开巴黎圣日耳门(PSG)，佢近日未有出席球队法甲夺冠活动，去咗睇摩纳哥F1，期间传出哥迪奥拿同呢位巴西王牌通电话，查询佢转会意愿，莫非曼城想签尼马？

早前曾有传闻，尼马下一站将会转战英超，热门之选系纽卡素同曼联，更传出卡斯米路担任说客，游说尼马转投曼联，哥迪奥拿喺呢段时间介入，令人有无限联想。

尼马同PSG合约到2025年，转会费估计不少於6000万镑，不过最大问题系佢周薪高达60万镑，能够满足佢嘅球队少之又少，仲有佢快将32岁，同埋大量伤病及纪律问题，都系佢转会嘅负面因素。

传媒分析指，哥迪奥拿打畀尼马志在收风，曼城签佢机会不大，但如果尼马真系嚟英超，哥帅都能早作准备。