西班牙及葡萄牙传媒爆料，指C朗同未婚妻乔治娜已经签订「婚前协议」，据悉一旦两人分手，乔治娜可以获得C朗位於马德里嘅豪宅，同时每月有10万欧元(约85万港元)「赡养费」。

C朗同乔治娜喺2016年开始恋情，1年之後女方为C朗诞下一位女婴，乔治娜上年再诞下龙凤胎，可惜男婴不幸夭折。据悉C朗当时为咗陪伴乔治娜，缺席曼联上年夏天季前操练，以致影响上季状态及表现，最终同曼联不欢而散。

C朗今次签下嘅婚前协议，盛传系由经理人佐治文迪斯负责起草，确保一旦C朗同乔治娜分手之後，财务上可以获得妥善安排，既可以保护C朗财产，以免被「分身家」，同时亦令乔治娜有保障，达到「双赢」。