英格兰国脚祖迪比宁咸落实加盟皇马之後，来季将会着上5号球衣，呢个号码对於「银河舰队」有特别意义，因为2位前世界足球先生施丹、简拿华路加盟皇马後，都拣5号波衫，睇来祖迪比宁咸非常有大志，想向世界足球先生殊荣进发。

祖迪比宁咸之前效力多蒙特及代表英格兰上阵都系着22号，但皇马22号球衣现时属於鲁迪格，呢位19岁新星君子不夺人所好，拣咗「後衞冧巴」5号，令人联想起同属踢中场嘅施丹，呢位法国球王2001年由祖云达斯加盟皇马，由於10号属於费高所有，佢改着5号，但并冇影响发挥，其後协助皇马夺得欧联及西甲冠军，2003年更第3次获得世界足球先生。

至於简拿华路2006年协助意大利捧世界盃冠军之後，加盟皇马，获得招牌5号，亦成为当年世界足球先生，但「大简」喺皇马表现一般，3年之後重返祖云达斯。祖迪比宁咸选择「王者号码」，未来发展令人期待。