卡塔尔世盃成功上位、被誉为「最索女球迷」嘅克罗地亚网红Ivana Knoll再度现身赛场，佢去荷兰举行嘅欧国联决赛支持爱队克罗地亚，现场目睹爱队互射12码落败失冠，饮恨而回，未能在现场狂欢。

30岁嘅Ivana Knoll系2016年克罗地亚小姐决赛佳丽之一，去年卡塔尔世盃佢以性感装扮现身中东，挑战当地严禁裸露身体法律，一度令人担忧佢会被拘捕接受惩罚，但亦令佢知名度急升，IG追随者人数一度升至360万，现时仍然有330万人留意佢动态。

克罗地亚喺佢打气之下，世盃打入4强最後获得季军，之後Ivana Knoll继续游走各大体育场地，喺IG张贴性感相片，今次欧国联佢又出动，前赴荷兰为爱队打气，可惜今次再度功亏一篑，同冠军擦身而过。

其实上星期欧联决赛曼城对国际米兰，佢都有入场，报道指当时佢喺国米球迷区，支持国米阵中嘅克罗地亚中场波索域，结果国米输波得亚军，今次欧国联嘅亚军，佢捧场嘅球队连夺两亚，早前佢又去过阿仙奴撑场，唔通佢先系终极二奶？