法国传媒报道，巴黎圣日耳门(PSG)即将委任安历基担任新帅，令原本有意离队嘅尼马、马高华拉堤等球星都回心转意，愿意留队。

《队报》报道，PSG多位球员认为，安历基执教令自己职业生涯出现转机，尤其系尼马。尼马同PSG合约至2027年，原本佢一心谂住踢到约满收山，但早前有球迷去佢屋企抗议，令佢萌生离队念头。

呢位巴西王牌生涯早期曾经同安历基喺巴塞隆拿合作3年，赢过欧联、西甲等多个锦标，所以对於尼马嚟讲，安历基加盟PSG绝对系好消息。

除咗尼马，马高华拉堤同队中多位小将都因为安历基上任而见到希望，华拉堤原定今夏被卖走，但安历基嚟到後有机会令佢改变处境，同时安历基锺意提拔年轻球员，令PSG多位小将都充满期待。