U21欧国盃A组尾轮生死战，葡萄牙U21硬撼比利时。葡萄牙虽然许胜不许和，但攻力跌Watt信唔过，比利时吸取上仗失分教训後，今仗必定先求稳阵，2.5球入球细更可取。（Now 630周三凌晨零时直播）

先讲讲A组形势，东道主之一嘅格鲁吉亚U21以4分排榜首，比利时U21与荷兰U21同得两分紧随其後，葡萄牙U21则以一分排包尾，由於彼此差距唔大，依家4队都有机会出线或出局，非常微妙。

当中以葡萄牙嘅情况最鲜明，头两轮只得1和1负，想晋级今仗非胜不可，理论上会大举进攻，可惜缺少因伤落选嘅阿仙奴中场法比奥韦拉，令进攻创造力大打折扣，连同早前热身赛，近4仗有3次开2球或以下，攻力麻麻。

另边厢，比利时头两轮全部打和，虽然表现唔算差，不过射手奥宾达屡失良机，至今仍未开斋，被喻为「新卡卡」嘅基迪拿尼，经历喺AC米兰一季失意後，就算获委任为队长都冇料到，尤其系上轮对格鲁吉亚，佢喺下半场一次半单刀机会射斜，信心尽失，加上今仗一度领先两球下竟被追和，一众後衞吸取教训後唔敢再大意。预计双方今仗都想稳中求胜，唔慌多波入，宁捧2.5球细盘。