利物浦今夏有多位球员离队，腾出唔少球衣号码，包括代表主力嘅7、8、9、10号，其中新兵阿历斯麦亚里士打已经拣咗10号，会方现时亦公布前锋路尔斯戴亚斯将改着7号，各位红军球迷印波衫冧巴，记得留意。

利物浦7号原本属於占士米拿，呢位老将已经转投白礼顿，原本着23号嘅路尔斯戴亚斯决定趁机改着7号，呢位哥伦比亚国脚刚过去球季受到伤患问题困扰，仅於英超上阵17场入4球，希望佢今次转球衣号码，可以转运啦。

另外，罗拔图法明奴离队之後，留下9号球衣，现时着27嘅达云纽尼斯有可能接过呢个「射手冧巴」。至於拿比基达离队後，留下8号球衣，仍然未有人问津，呢件系昔日「神奇队长」谢拉特嘅战衣，等闲之辈都唔敢着。