近年疫情令百业萧条，唔少球会都出现财政问题，其实就连退役球星都受到影响，西班牙名将费兰度托利斯开办嘅连锁健身公司，喺疫情期间就蚀大钱，据报费托已采取法律行动，向西班牙政府索偿80万欧元(约684万港元)。

费托退休後开设连锁健身公司New Fitness，疫情爆发前每年录得10万欧元(约85.5万港元)盈利，但自从西班牙政府推行防疫揩施，佢嘅生意就转盈为亏，喺2020年录得20万欧元(约171万港元)亏损。费托认为政府嘅防疫措施属於「不恰当」，所以提出索偿。

据西班牙《机密报》报道，费托首次向地方嘅司法机构提出申请被拒绝，近日再向西班牙最高法院提出申索要求。39岁嘅费托依家同时喺马德里体育会担任教练，一身「筋肉人」形象同以往做球员嗰阵判若两人。