巴黎圣日耳门(PSG)球星基利安麦巴比早前宣布唔会续约，似乎准备明夏自由身离队，会方近日向呢位24岁法国国脚发出最後通牒，要求佢10日内答覆，是否会改变主意续约，否则今夏就会出售佢。

根据西班牙记者Juanfe Sanz Perez爆料，PSG已经同基利安麦巴比进行会谈，管理层仍然希望呢位射手续约，但必须10日内答覆，如果麦巴比坚持唔续约，会方惟有将佢出售，以免明夏人财两失。

近期传出多支球队有意签入基利安麦巴比，当中以皇马属於最大热门，其次系如果曼联被卡塔尔财团收购，都会出手争夺麦巴比。

基利安麦巴比早前曾经表示唔会续约，但下季仍然会留队，明显希望等多1年，以自由身走人，但PSG应该唔会畀佢「奸计」得呈。