以车路士班主保利为首嘅财团BlueCo，上月底成功收购法甲球会斯特拉斯堡，果然即刻就有大动作，周一(3日)宣布聘请前水晶宫领队韦拉执教，双方签约3年，预计车路士会再外年年轻球员畀斯特拉斯堡，帮佢哋喺法甲争取佳绩。

47岁嘅韦拉上季尾被水晶宫炒鱿，今次重返法甲执教斯特拉斯堡，佢喺记者会表示：「我知道教斯特拉斯堡喺法国嘅历史同地位，球队近年重建之路亦非常正确，今日我哋会展开一个新嘅里程，能够作为教练去建立呢个计划，我非常光荣。」

斯特拉斯堡被保利嘅财团收购後，亦会成为车路士嘅衞星球会，据报车路士会向韦拉提供部份球员加强实力，传闻20岁嘅科特迪瓦前锋大衞科芬拿会外借斯特拉斯堡。