美职球会国际迈亚密上月获「球王」美斯加盟，即时成为球坛焦点，佢哋之後再签布斯基斯同教练马天奴，不过班主碧咸嘅大计仲未完！国际迈亚密会长马斯周日(2日)证实，球会将喺2星期内再签2至3名球星，其中一个系乌拉圭前锋苏亚雷斯，佢同美斯喺巴塞隆拿曾合作6年，成为欧洲球坛经典组合之一，新球季有望喺美职重现！

国际迈亚密会长马斯接受西班牙《国家报》访问，亲自透露碧咸嘅建军大计：「仲会有2至3个球星加盟，我哋依家同佐迪艾巴倾紧，至於苏亚雷斯嘅合约内有解约条款，但我唔知最後系咪真系可以成事。」36岁嘅苏亚雷斯目前效力巴甲甘美奥，早前有传佢因伤准备挂靴，但消息已被否认。

美斯同苏亚雷斯喺2014年至2000年间一齐效力巴塞隆拿，加埋尼马组成着名「MSN组合」，一齐赢过4次西甲冠军，以及喺2015年勇夺欧联冠军。美职委员长当加伯亦对国际迈亚密嘅行动表示兴奋：「我哋依家安排紧，希望好快会有正式宣布，呢个将会系美职嘅高光时刻。」

国际迈亚密会会喺7月15日前公布新加盟球员名单，美斯、布斯基斯已落实来投，斟介中嘅有苏亚雷斯、佐迪艾巴，而马斯所指可能出现嘅「第3人」，有传可能系沙治奥拉莫斯或者目前正跟操嘅英格兰前锋连格，有望打造美职史上最星光熠熠嘅阵容。