意大利传媒报道，卢卡古拒绝希拉尔後，至今再无沙特球队提出报价，同时由於佢得罪国米，转会祖记亦陷入僵局，新球季可能被逼留在车路士斋坐，冇得落场。

《罗马体育报》爆料，卢卡古今夏一度游走於国米、祖记同希拉尔之间，佢同国米斟介期间，秘密同祖记接触，结果激嬲国米，同时祖记向车路士提出，要求卢卡古加钱交换杜辛华荷域，双方又倾唔掂，至於希拉尔向卢卡古报价两年5,000万欧元(约4.25亿港元)肥约，卢卡古拒绝後，至今再无沙特球队向佢报价。

报道指，卢卡古已经时间无多，欧洲转会窗於9月1日关闭，但暂时再无球队同佢接洽，早前有消息指热刺对佢有兴趣，即引起球迷不满，沙特转会期限亦於9月7日结束，如果再搵唔到班落，卢卡古就要留喺车路士，不过普捷天奴已表明会另觅中锋，并无考虑卢卡古。