拜仁慕尼黑守将班捷文柏华特系转会市场抢手货，呢位27岁法国国脚早已表明想转会，原本曼联视佢为防线增兵头号目标，但随住哈利马古尼唔肯离队，「红魔鬼」亦出唔到手买人，据报国际米兰已乘虚而入，将以3,000万欧元(约2.55亿港元)签入班捷文柏华特。

转会权威Fabrizio Romano报道，国际米兰收购班捷文柏华特有突破性发展，国米已通知拜仁将会支付佢哋要求嘅3,000万欧元转会费，而班捷文柏华特亦被发现已经喺社交网Like国际米兰嘅新闻，消息指等拜仁签入代替人选，转会就可以正式落实。

曼联一直视班捷文柏华特为後防增兵首选，但前提系哈利马古尼要先离队，但佢觉得自己仍然有力留喺曼联争正选，早前已经拒绝韦斯咸斟介。