西班牙女足周日(20日)勇夺女子世盃冠军，不过赛後就爆出争议一幕，喺西班牙球员上颁奖礼领奖期间，珍妮弗靴莫素被颁奖嘉宾之一、西班牙足总主席鲁拜利斯强行「锡嘴」，珍妮弗靴莫素事後亦称：我唔Enjoy罗！

珍妮弗靴莫素上到颁奖台後，情绪高昂嘅鲁拜利斯即刻揽到佢劲实，锡完面珠再锡嘴，唔少睇住直播嘅观众都觉得鲁拜利斯「过火」。33岁嘅珍妮弗靴莫素随後接受西班牙电视台访问，讲到呢一幕佢就话：「Er...我唔Enjoy罗！」

事实上，鲁拜利斯喺西班牙女足入面绝对唔系受欢迎人物，上年有15名国脚因为不满领队韦尔达管治而退队，鲁拜利斯就企喺韦尔达嗰边，就算今次西班牙女足夺冠，鲁拜利斯攞奖牌时亦被现场西班牙球迷喝倒采。