英超开季成绩理想嘅阿仙奴，近日再收到好消息，据报球会已经同队长马田奥迪加特达成续约协议，新约将会去到2027年，马田奥迪加特亦强烈暗示将会正式续约。

24岁嘅马田奥迪加特2年前加盟阿仙奴後，迅速成为球队主力兼队长，早前更入选金球奖30人候选名单，佢同阿仙奴嘅合约去到2025年完结，为尽早绑住呢位灵魂人物，阿仙奴已提早展开续约谈判，消息指双方已达成共识，新约会去到2027年(另加1年续约条款)，依家11万镑(约110万港元)周薪会大幅调升。

马田奥迪加特日前为挪威出战欧国外，被记者问到续约一事，佢已作出强烈暗示：「我冇乜可以讲，唯一可以讲嘅系我喺阿仙奴好开心，希望可以长时间喺呢间球会效力，不过我依家要先专注国家队比赛。」