法国球星保罗普巴早前药检「肥佬」，面临最高4年嘅停赛刑期。据《ESPN》报道，保罗普巴怀疑误服含有禁药成份嘅营养补充品，而佢效力嘅祖云达斯，正考虑提前终止合约。

保罗普巴喺今季意甲开咧战後嘅药检，被验出睾酮指数超标，已被即时停赛，依家仍然等紧B样本嘅结果，但正常情况下结果唔会有分别。《ESPN》消息指出，保罗普巴曾经喺医生朋友帮助下，喺迈亚密买入一啲意大利禁售嘅营养补充品，而当中含有睾酮，保罗普巴喺唔知情下曾经服用而「出事」。

保罗普巴经理人喺禁药事件曝光後，曾公开表示「保罗普巴一定唔会故意食禁药」，不过就算系误食禁药，仍然会面临长达2年嘅停赛期(故意使用禁药最高刑罚停赛4年)。意大利传媒报道，保罗普巴同祖云达斯合约去到2026年，但如果佢被罚长期停赛，祖云达斯会考虑同佢提前解约。