曼联公布英超名单 2大麻烦友上榜有内情?
2023-09-15 来源: 八一体育 点击
英超20路大军周三(13日)提交25人大军名单,近期备受注目嘅2大「麻烦友」安东尼马菲奥斯同查顿辛祖,齐齐喺曼联嘅名单上出现,意味「红魔鬼」未打算同佢哋斩缆。据英国《每日邮报》报道,坦哈格同查顿辛祖嘅和谈「未解决」,但球会2大高层已主动介入,向坦哈格施压要求同球员和解。
近日丑闻不断嘅曼联,公布嘅25人英超大军一切如常,因被3名女子指控袭击嘅安东尼,虽然被勒令延迟归队至另行通知,但坦哈格对佢非常支持,列入名单并唔意外,反而公开指责坦哈格「讲大话」嘅查顿辛祖,未被「封杀」而榜上有名,就令球迷喜出望外。
不过英国《每日邮报》爆料,坦哈格同查顿辛祖嘅「和谈」并未解决问题,双方会再安排另一次会面,曼联CEO李察阿诺特同总监梅托亦主动加入谈判,要求坦哈格搵方法同查顿辛祖修补关系,查顿辛祖日前将反击贴文喺社交网删除,正正就系梅托斡旋嘅成果,但报道指坦哈格同查顿辛祖嘅问题「难以解决」。
曼联今次提交嘅英超名单仲有惊喜,之前喺欧联名单落选嘅荷兰中场云迪碧克有份入围,至於2大新星海伦(前译贺兰特)同加拿祖并未上榜,因为佢哋都系21岁或以下球员,唔需要喺25人名单内注册,夏天其余新兵奥拿拿、美臣蒙特、苏夫恩岩拉伯特、比恩迪亚、庄尼伊云斯同利古朗悉数在列。
上一篇:英超W33/足总盃四强杂谈—红军扳倒死 | 下一篇:阿仙奴喜讯!奥迪加特答应续约 |
相关阅读
- 09-1521/22欧洲冠军盃四强-皇马3-1曼城-惊天动地300秒
- 09-15阿仙奴喜讯!奥迪加特答应续约
- 09-15达云纽尼斯肌肉受伤 高普噩梦成真
- 09-15Billy Sharp 与 Chris Wilder,谢菲尔德联晋升英
- 09-15同人唔同命 托夫路违规赌波获判缓刑
- 09-15【巴甲】红牛甘美奥「细」均力敌
- 09-15【巴甲】抢分护级遇鱼腩 巴希亚让客抵玩
- 09-15查顿辛祖同曼联恩怨曝光 又关C朗事!
更多>>精选阅读