曼联今季开局成绩麻麻，加上球场内外是非不断，令网上出现一片批评浪潮，其中踩得最「用力」嘅人，包括几位曼联名宿加利尼维利、坚尼同舒米高等等，曼联上场赢般尼後，葡萄牙球星达洛治就公然向前辈挑机，批评佢哋系「杀人机器」。

曼联开季6场输3场，加利尼维利、坚尼同舒米高等名宿都批评球员同坦哈格表现，5次上阵嘅达洛治表示：「我哋系曼联，所以每场都要交出表现，因为当你赢唔到波，佢哋(批评者)就会喺四方八面将你杀死，近呢个星期睇得好清楚，呢部杀人机器全速开动。」

不过，达洛治表明曼联球员冇受影响，而系团结一致为球队卖命：「当我哋入到卡宁顿训练基地，所有『噪音』都会留喺外面，对般尼嘅胜仗非常重要，我哋展示出团结一面，球员不断沟通、互相帮助，我哋要维持呢个水平直到季尾。」