利物浦击败韦斯咸後，周一(26日)宣布同後备左闸续约，报道指双方签下一纸4年长约，合约至2027年。

27岁嘅森美卡斯2020年加盟利物浦，4个球季上阵63场冇入球，贡献12个助攻，系安德鲁罗拔臣嘅後备，不过据报佢同王牌前锋穆罕默德沙拿份属老友，今次续长约沙拿畀咗唔少意见。

森美卡斯唔介意做後备，仲似乎好享受现状，佢话：「好高兴可以延长合约，我作出嘅牺牲同所付出嘅努力都得到回报，令我充满干劲，呢支球队要实现好多事情，从一开始我就想成为其中一员。」

今次续长约後，当合约完结佢都过咗30岁，森美卡斯认为利物浦有潜力赢更多锦标，佢亦会100%专注，同大家一齐实现梦想。