曼联喺欧联经历惨痛2连败，不过佢哋今场都唔系冇收获，丹麦前锋海伦再用2个入球证明佢嘅超强潜力，名宿史高斯赛後更大赞佢系「新云尼斯达莱」，充满正能量！

海伦上轮欧联处子战作客拜仁慕尼黑入波，，今仗返主场再入2球，成为2019年嘅艾宁夏兰特(19岁73日)後，最年轻喺个人头2场欧联入波球员(20岁241日)，如果唔系有一个波越位在先，今场更可以演出帽子戏法。

曼联名宿史高斯赛後表示：「正常嚟讲今场系好失望，但我见到好多令人兴奋嘅地方，特别系入2球嘅海伦，佢处理得非常之好，令到对方中坚束手无策，我喺佢身上见到云尼斯达莱嘅特质。」荷兰前锋云尼斯达莱效力曼联5年，上阵219场入150球。

海伦赛後亦表示：「曼联买我系要我入波，好开心再增添2个入球。无可否认球队正处於困难时刻，但我哋要团结一致，只有团结先至可以走出困局。」