盘口分析:防线欠稳 狂攻博入多几粒 利物浦大盘屈基
2023-10-05 来源: 八一体育 点击
今晚欧霸盃E组焦点战,英超利物浦主场硬撼比利时球队圣基莱斯联。「红军」今季踢法开放,几乎场场都有失波,好彩由穆罕默德沙拿率领嘅锋线火力全开,暂时仲可以弥补防线欠稳嘅问题,面对圣基莱斯联势必以攻代守,3.5球大盘咪错过。(Now 643周五凌晨3时直播)
虽然利物浦上仗喺联赛输畀热刺,同球证及VAR出错有关,不过无可否认佢哋今季防守确系欠稳。「红军」开咧後踢咗9场,只有赢阿士东维拉3比0一役保持清白之身,其余场场都有失波,中场逼抢做得唔够彻底,经常被对手打穿,中坚兼队长华基尔云迪积克亦无复当年勇,难怪後防穿晒窿。
不过利物浦前线个个都弗,王牌穆罕默德沙拿同箭头达云纽尼斯,今季各项赛事已经各入咗4粒,佢哋同翼锋路易斯迪亚斯,喺欧霸E组首轮反胜宁斯3比1之役齐齐建功,连同远射有一手嘅中场苏保斯拉尔,就算有加普因伤倦勤,主帅高普亦不愁进攻选择,主场出击更会放胆进攻争取入波。
作客嘅圣基莱斯联唔系一般善男信女,各项赛事近4仗未输过,依家喺比甲排紧榜首,欧霸E组首轮逼和图卢兹1比1,射手阿马利频频有士哥,上仗联赛仲特登被收起冇正选,摆明留力今仗。睇番利物浦近5仗有4次开4球或以上,有4仗系先失波,当中有3仗系反胜,既然防守不稳,倒不如狂攻入多几粒,今仗等睇入球骚。
上一篇:盘口分析:防线欠稳 狂攻博入多几粒 | 下一篇:盘口分析:马体会当旺恰奥沙 |
相关阅读
- 10-05盘口分析:防线欠稳 狂攻博入多几粒 利物浦大盘
- 09-28盘口分析:马体会当旺恰奥沙
- 09-21盘口分析:白礼顿AEK雅典大驳火
- 09-21盘口分析:轮换阵容留力踢英超 利物浦细链宁斯
- 09-07盘口分析:塞尔维亚主W实食冇黐牙
- 08-28盘口分析:近8次交手赢7仗 马体会格食格上盘抵
- 08-24盘口分析:阿积士冇默契唔怕反
- 08-19盘口分析:热刺曼联抢分大火并
更多>>精选阅读