今季降落英冠嘅李斯特城，周四(5日)凌晨主场3比0大破普雷斯顿，开季10战9胜高踞榜首，追平锡菲联喺05/06球季嘅英冠最佳开季纪录，下季重返英超机会极大。

李斯特城降班後请到马利斯卡执教，呢位意大利领队立即帮球队复兴，今仗靠达斯贝利贺尔入2球同伊恩拿祖建功，3比0大胜普雷斯顿录得5连胜，开季10场除咗输畀侯城，其余9场都顺利赢晒。

李斯特城阵中有占美华迪、伊恩拿祖、哈利云克斯、尼迪迪等英超级球星，喺英冠实力超班，领队马利斯卡赛後表示：「英冠有好多好似我哋一样嘅好球会，所以呢个成绩非常特别，不过依家时间尚早，球员仍然继续努力。」